पचालझरनामा वडा सचिवले स्थानियलाई कुटे

कालीकोट । जिल्लाको पचालझरना वडा न. २का वडा सचिव हस्त खड्काको नेतृत्वमा तिन जना स्थानिय माथि कुटपिट भएको छ ।

लेनदेनका विषमा छलफल भइरहेको अवस्थामा कुनै पनि विषयमा नजोडिएका वडा सचिव हस्त खड्का र उनका भाइ अलि खड्काले कुटपिट गरी पचालझरना १का स्थानिय बुद्धि ऐडी,बसन्त ऐडी र मिनेश ऐडीलाई सांघातिक आक्रमण गरि सख्त घाइते गरेका छन । घाइते तिनै जनाको जिल्ला अस्पताल कालीकोटमा उपचार भइरहेको छ ।

घाईते बुद्धि ऐडीको बांया आंखा,टाउको र कम्मरमा चोट लागेको छ भने मिनेश ऐडीको टाउकोमा दाउरा प्रहार गरी चोट लागेको पिडितले बताएका छन । घाइते मिनेश ऐडीका अनुसार गाउँमा स्थानिय नानि लुवार संगको दिप ऐडीको लेनदेनमा कुरा हुंदा अलि खड्का आइ बुद्धि ऐडी माथि आक्रमण भएको र सोही क्रममा आधा दर्जन बढि युवाहरु आइ आक्रमण गरिएको बताएका छन ।
वडा सचिव हस्त खड्काले भने गाउंको सामान्य विवाद भएको  अनावश्यक मान्छेहरुको भेला भइ ठुलो रुप  लिएको  बताउदै  गम्भिर चोट लाग्न गएको  तर आफु  झगडा साम्य पार्न गएको दावि  समेत  गरेका छन ।