कालीकोटको नाग्ममा पहिरो १ को मृत्यु, १० जना वेपत्ता

कालीकोट । जिल्लाको तिलागुफा नगरपालिकामा पहिरोले घर भत्किदा १को मृत्यु भएको छ भने ४ घर पुरिदा १० जना  वेपत्ता भएका छन । तिलागुफा नगरपालिकाको नाग्म बजारमा पहिरो जाँदा वालक निराजन शाहीको मृत्यु भएको बताइएको छ ।

जिल्ला प्रहरी कार्यालय कालीकोटका अनुसार पहिरोमा परि वेपत्ताको आधिकारिक जानकारी नआएको बताउदै घटना स्थल जुम्ला सिमा नजिक भएकाले सम्पर्क नहुंदा थप विवरण आउन नसकेको बताइएको छ ।

घटनाका घाईतेहरु मध्ये अर्जुन हमाल र पुण्य शाहीको उद्धार पछि कर्नालि स्वस्थ्य विज्ञान प्रतिष्ठान जुम्लामा पठाइएको बताइएको छ । उद्धारका लागि कालीकोट र जुम्लाबाट नेपालि सेना,शसस्त्र प्रहरी स्थानियहरुको टोलि पठाइएको र उद्धार भइरहेको  छ ।