कालिकोट । पचालझरना गाउँपालिका को १४औं गाउँ सभा सम्पन्न भएको छ । पचालझरना गाउँपालिका अध्यक्ष देवराज शाहीको अध्यक्षतामा भएको कार्यक्रम १४ औं गाउँ सभाले आर्थिक वर्ष ०८२।०८३ को बजेट प्रस्तुत गरिएको हो । पचालझरना गाउँ पालिका उपाध्यक्ष अल्किना बमले आर्थिक वर्ष ०८२।०८३ का लागि अनुमानित कुल बजेट रु ४३ करोड ८६ लाख २९ हजार ३ सय ५२ प्रारम्भिक अनुमान गरिएको हो । जसमा नेपाल सरकारबाट समानिकरण अनुदान रकम ८ करोड ८९ लाख ,संघिय समपुरक अनुदान ८० लाख सहित संघिय बिशेष अनुदान ४ करोड प्रााप्त भएको बताईएको छ । चालू खर्च तर्फ २७ करोड ९१ लाख ३२ हजार ३ सय ५२ रुपैयाँ बिनियोजन गरिएको हो ।त्यसैगरी पुजिँगत तर्फ कुल बजेट १३ करोड ६० लाख ९८ हजार बिनियोजन गरिएको छ । पचालझरना गाउँ पालिकाका वडा सरकारलाई न्युनतम १५ लाखका दरले जम्मा रु १ करोड ३५ लाख बिनियोजन गरिएको छ । विगतका वर्षहरुमा अध्यक्ष तथा उपाध्यक्ष कोषको रकम व्यवस्थापन गर्दै आएकोमा आगामि वर्ष भने सो कार्यक्रम नगर्ने पचालझरना गाउँ पालिकाले जनाएको छ ।
पचालझरना गाउँ पालिकाको गाउँ सभा सम्पन्न,४३ करेाड ८६ लाख बजेट विनियाेजन
Discussion about this post