नेपालमा थप ३१४ जनामा कोरोना,संक्रमितको संख्या ३७६२

काठमाडौं, जेष्ठ। नेपालमा थप ३१४ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले बितेको २४ घण्टामा सो संख्याका संक्रमति पुष्टि भएको जानकारी दिएको हो।

सोमबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले २९४ पुरुष र २० जना महिला गरी कुल ३१४ जनामा कोरोना संक्रमण पुष्टि भएको जानकारी दिनु भएको छ ।  १४ जनाले ज्यान गुमाएका छन् भने ४८८ जना निको भएका छन्।

सोमबारसम्म १ लाख ९ सय ७१ जनाको पिसिआर विधिबाट कोरोना परीक्षण गरिएको छ। हाल देशभरका क्वारेन्टाइनमा १ लाख ७० हजार ७ सय ३२ जना रहेका छन्।

पछिल्लो २४ घण्टामा कुल संक्रमितको संख्या ३७६२पुगको बताइएको छ ।